BUTUAN CITY – Daw dili lang ang mga ordinaryong drayber ug motorista ang naapektohan sa sunod-sunod nga pagsaka sa presyo sa mga produktong petrolyo sa nasud, tungod kay nabati usab kini sa mga iladong personalidad.
Sa social media post ni Dennis Trillo, iyang gipadayag ang iyang reaksyon human siya miadto sa gasolinahan.
Sumala pa niini nga “10-mil na diay magpa-full tank sa karon? unta temporary lang kini.”
Samtang si Shaira Diaz usab nag-post sa social media samtang iyang gidokumento ang iyang pagpa-gasolina nga sumala pa laing adlaw laing sakit sa gasolinahan diin nagkataas og nagkataas dayung panghinaot nga mobalik na kanhe presyo.
Sa iyang mubo nga vlog, gibutyag ni Shaira nga sa miaging pagpa-gasolina, halos naka-gasto siya og P7,800 para sa full tank apan sa karon, mibayad siya og P5,344.92 bisan tunga pa lang ang sulod sa tangke.
Dugang pa niini nga nabalaka siya sa dihang nasayran niya nga nisaka ang presyo sa diesel og P13 niadtong adlawa, labi na kay adlaw-adlaw siya magbiyahe gikan sa Las Piñas padulong Quezon City.
Sumala sa mga eksperto, ang pagsaka sa presyo sa gasolina sa nasud tungod sa nag-usab-usab nga kahimtang sa global nga merkado sa lana, nga naapektuhan sa gubat sa Middle East.
