BUTUAN CITY – Nagpahimangno ang Department of Foreign Affairs kon DFA sa mga Pilipino nga dili magpataka og abin sa mga langyaw’ng armadong kusog human mi-abot kanila ang impormasyon nga usa matud pa ka Pinoy ang namatay samtang nakig-away alang sa Russia sa pakiggiyera niini sa Ukraine.
Sigon sa DFA, ang pag-apil apil sa langyaw’ng giyera sa ubang kanasuran, nagbutang lang sa atong mga kababayan sa delikadong sitwasyon ug posibleng musangpot ngadto sa legal nga aksyon.
Gipahimangnuan usab ang publiko nga mag-igmat sa gihanyag nga mga trabaho sa abroad tungod kay posibleng ,ma-ilad lang sila og hayan mabala na hinuon sa giyera.
Giklaro sa ahensya nga ang direkta ug dili direktang pag-apil sa langyaw’ng pwersa, usa ka paglapas sa balaud sa Pilipinas nga mahimong muresulta sa pagtangtang sa ilang citizenship.
Nasayrang niadtong ilahing bahin sa Enero, gitaho sa military intelligence sa Ukraine nga usa ka Pilipino ang namatay sa giyera sa Donetsk Region nga apil matud pa sa usa ka yunit sa Russian military.
