BUTUAN CITY – Nakatungtong sa podium si Pinoy pole vaulter EJ Obiena alang sa ikatulong pwesto sa bag-ohay lang gipahigayon nga Lausanne (Losan) Leg of the Diamond League sa Switzerland.
Malampuson niining nalayat ang 5.82 meters sa unang attempt diin tabla niini sa ika tulong puwesto sila si Sondre Guttormsen sa Norway ug Kurtis Marschall sa Australia.
Malampusong na-cleared sa tulo ang bar sa unang pagsulay lamang. Gisulayan pa sa Pinoy pole vaulter nga maabot niini ang 5.92 meters apan napakyas kini sa ikatulong attempt.
Nanguna gihapon sa maong torneo si world number 1 ug Paris Olympics gold medalist Mondo Duplantis sa Sweden kansa record ng 6.15 meters diin nalabwan usab niini ang hawid niyang 6.10 meters sa nakalabayng 2 ka tuig sa maong turneo. Anaa usab sa ikaduhang pwesto si Sam Kendricks sa US kansa naka tala og 5.92 meters.
Kini na ang pinakaunang torneo nga giapilan ni Obiena human sa Paris Olympics stint niini kansa nakuha niini ang ika upat nga pwesto.
Laumang modula usab kini sa Silesia leg sa Polandkarong umalabot nga Augusto 25.
