BUTUAN CITY – Nabulsa ni Filipino pole vaulter ar Olympian EJ Obiena ang bulawang medalya sa 6th Irena Szewinska Memorial sa Bydgoszcz, Poland.
Nakab-ot ni Obiena ang 5.97 metros nga maoy season-best sa maong Pinoy vaulter.
Si Obiena ang kasamtangan nga world No. 3 ug na pildi niiini ang pipila ka mga pole vaulter nga gilangkuban nila ni Greek athlete Emmanouil Karalis, nga nalayat ang 5.92 meters para sa silver medal, ug 3rd placer usab si Piotr Lisek sa Poland nga nalayat usab ang 5.75 meters.
Samtang, ang sunod nga away ni Obiena gikatakda karong Hunyo 23 sa Czesław Cybulski Memorial sa Poznan, Poland.
Una nang gikataho ni Obiena nga humanon una niya ang mga gikatakdang duwa sa lain-laing dapit sa nasod adiser mopahuway, arun sugdan ang iyang taas nga pagbansay-bansay alang sa Paris 2024 Olympics.
Ang Paris Olympics gikatakda gikan sa Hulyo 26 hangtod Agosto 11.
