BUTUAN CITY – Natala ang unang kamatayon sa Mt. Everest karong tuig 2025 pinaagi ni Pinoy mountaineer Engr. Philip Santiago II, 45-anyos, gikan sa Mountaineering Association of Krishnanagar- Snowy Everest Expedition 2025.
Namatay kini samtang nag-andam na nga ma-abot ang kinatumyan sa pinakataas nga bukid sa tibuok kalibutan sa Camp IV nga duna’y gihabugong 7,900-metros ibabaw sa dagat, duol na sa summit.
Gikumpirma sa pamilya ni Santiago ang makasusubo nga balita ug nangayo og privacy karong panahon sa ilang pagbangotan.
Bisan pa nga mipa-abmit si Santiago og post sa social media kabahin sa ilang pagsaka, dili pa sigurado ang hinungdan sa iyang pagkamatay.
Ang iyang team nagbuhat na og mga lakang aron ibalik ang iyang lawas ngadto sa base camp.
Sumala sa Department of Tourism sa Nepal, kini ang unang natala nga kamatayon sa usa ka langyaw’ng climber karon nga climbing season sa Mt. Everest
