BURUAN CITY – Kritikal ang kondisyon sa usa ka Overseas Filipino Worker kon OFW human kini nabalian og liog, rason nga kiniahanglan kining ipailalum sa surgery. Kini alayon na sa nasinatiang “severe extreme turbulence” sa gisakyan niining Singapore Airlines flight SQ321 ning nakalabayng adlaw.
Sumala sa Department of Migrant Workers (DMW), pinaagi sa Migrant Workers Office niini sa Singapore (MWO-SG), byaheng pa Singapore untana ang nasangpit nga abyon ug gikan kini sa London, dihang ning himo kini og emergency landing sa Bangkok, Thailand. Alayon niini, anaa pa sa sensitibo apan stable nga kondisyon ang wala pa panganli nga babaye.
Una nang gipasalig sa Singapore Airlines nga ilahang bayran ang tanang galastohan sa mga pasahero sakay sa flight 321. Sa kasamtangan, padayon pa sa pagmonitor sa sitwasyon sa lima ka mga Pinoy ang Department of Migrant Workers (DMW), pinaagi sa Migrant Workers Office niini sa Singapore (MWO-SG).
Kahinumdumang patay ang usa ka 73-anyos nga Briton sa maong Boeing 777-300ER aircraft incident tungod sa maong “severe extreme turbulence” nga nahitabo sa kawanangan. Gawas niini, laing 70 pa ka mga pasahero ug crews ang nasamdan atol sa maong insidente .
