BUTUAN CITY – Nakuha ni Pinoy boxer John Riel Casimero ang dominanteng first-round technical knockout (TKO) victory batuk kang Saul Sanchez sa ilang duwa kaganina sa Japan.
Si Casimero, ang kanhi three-division world champion, nagproblema pa sa iyang timbang atol sa ilang weigh-in kagahapon, Oktubre 12, human siya mitimbang og 56.3-kilos, kansa usa ka kilogram nga mas bug-at sa ilang weight limit.
Sa iyang ikaduhang attempt paglabay sa duha ka oras, overweight gihapon si Casimero sa timbang nga 55.9-kilos.
Base sa patakaran sa Japan Boxing Commission nga gihisgutan sa duha ka kampo, gihatagan og laing tsansa si Casimero pinaagi sa laing weigh-in kaganinang buntag, sa mismong adlaw sa ilang away, kondiin iyang nakab-ot ang nasabutan nilang timbang nga 128-libras rason nga napadayon ang ilang non-title bout.
Wala na mag-usik pa og oras si Casimero pagsugod sa ilang away kondiin mihunat gilayon kini og kusog ug nagpungasi nga mga kinomo nga gikakurat ni Sanchez, rason nga nahunong sa first round ang ilang away via TKO.
Ang iyang kadaugan,nakapalambo sa iyang record ngadto 34 ka daug, 4 ka pildi, usa ka draw uban sa 23 ka daug pinaagi sa knockout.
