BUTUAN CITY – Natapos lang sa ika-unom nga puwesto si Elreen Ando sa 59kg event sa weightlifting kagabie. Mirehistro ang pinay lifter sa sumada nga 230 kgs, gikan sa 100 kgs sa snatch ug 130 kgs sa clean and jerk. Kini na ang bag-ong personal nga record ni Ando.
Naabtan pa og duha ka attempts ang Pinay ayha milampos sa 100 kg snatch, apan, napakyas kini sa alang sa iyang ikatolong attempt sa 102 kgs. Si Ando maoy naghupot sa pinakataas na ranking na weightlifters, dihang iyang naka-atbang si Olympic gold medalist Hidilyn Diaz sa 2024 IWF World Cup niadtong Abril.
Nahimong Gold medalist sa 59kg event ang representante sa China nga si Luo Shifang, human niini naalsa ang kinatibuk-ang 241kg. Napukan ni Shifang ang defending Champion sa 2020 Tokyo Olympics nga si Chinese Taipei’s Kuo Hsing-chun, kinsa mi-alsa sa kinatibuk-ang 235kg ug nakuha ang medalyang bronze.
Ang beterano nga representante gikan sa Canada nga si Maude Charron, ang nakakuha sa ikaduhang spot human siya mialsa sa kinatibuk-ang 236kg. Kahibaloang sa milabay’ng 2020 Tokyo Olympics si Charron maoy nagkampeon sa 64kg division sa weightlifting.
