BUTUAN CITY – Natapos na ang kampanya ni Pinay Tennis star Alex Eala alang sa Doubles category sa Wimbledon 2025, kauban ang German player nga si Eva Lys.
Sayrang pakyas ang duha nga mapukan ang eksperyensyadong duo nga sila si Quinn Gleason sa USA ug Ingrid Martins sa Brazil pinaagi sa iskor nga 4–6, 2–6 karong gabhiona, July 3.
Nahimo pang kulba-hinam ang maong dula human nadul-itan sa duha Pinoy ug German ang iskor sa kalaban sa unang set gikan sa 2-4 ngadto sa 4-5. Apan wala gihapon makuha sa duha ang final score atul sa Break Point, diin ang kalaban ang nag-serve sa bola.
Gibuksan usab nila Eala ug Lys pag-serve ang second set, apan gitubag kini sa mga kalaban pinaagi sa lima ka sunod-sunod nga kadaugan, hinungdan sa sayong pag-exit ni Eala sa c.
Taliwala pa man nga sayong naparot ang Pinay sa singles ug doubles, nakahimo gihapon kini og kasaysayan isip pinaka unang Pilipina nga naka-abot sa Wimbledon, ang pinaka sikat ug respetadong tennis tournament sa kalibutan, diin magtigi ang mga pinaka maayo sa maong natad sa paugnat sa kusog.
Gihimo ang maong dula sa All England Lawn Tennis & Croquet Club sa London, England.
Sa kasmatangan, anaa na sa No. 56 si Eala sa Women’s Tennis Association kon WTA.
Ania ang mga mosunod nga dula ni Eala karong tuiga human sa Wibledon, alang sa WTA events:
July 8–14: WTA 250 Budapest Open (Clay)
July 15–21: WTA 250 Palermo Ladies Open (Clay)
July 29–August 4: WTA 500 Washington Open (Hard)
August 5–11: WTA 1000 Canadian Open (Hard)
August 26–September 8: US Open (Grand Slam)
August 19–25: WTA 1000 Cincinnati Open (Hard)
