-- ADVERTISEMENT --
BUTUAN CITY- Nakabalik na sa nasud si Filipina tennis star Alex Eala kagahpon sa gabie, Miyerkules, Enero 21, human sa iyang debut sa 2026 Australian Open sa Melbourne, Australia.
Ang iyang pag-apil sa maong torneo usa ka dakong milestone sa iyang career ug nagpakita sa padayon nga pag-uswag sa talento sa mga kabatan-onan nga Pinay sa internasyonal nga entablado.
Gikatakda usab kini nga makigsaka sa pinaka-unang WTA 125 event nga “Philippine Women’s Open” nga ipahigayon sa Rizal Memorial Tennis Center gikan Enero 26 hangtod 31, 2026.
Sumala ni Eala, excited na kining magdula atubangan sa katawhang Pilipino ug minglaum nga daghang motan‑aw aron masuportahan ang mga Pinay tennis players.
