BUTUAN CITY – Nahuman na ang damgo sa Pinay Olympic rower nga si Joanie Delgaco alang sa Olympic Medal, kini human nabutang sa pinaka ulahing pwesto ang nasangpit nga Olympian alang sa women’s single sculls quarterfinals kaganinang hapon, Martes nga gihimo sa Vaires-sur-Marne Nautical Stadium.
Nakuha lamang ni Delgaco ang oras nga 7-minutos 58-segundos ug 30-milisegundos. Nagkamamo ug apas ang Pinay sa ika limang pwesto nga pambato sa Azerbaijan nga si Diana Dymchenko kansa duna usay oras nga 7-minutos 53-segundos ug 56-milisegundos, kansa nag sunod usab sa pang-upat nga pwesto nga si Jovana Arsic nga duna usay oras nga 7-minutos 56-segundos ug 18-milisegundos.
Nanguna sa maong karera ang taga New Zealand nga atleta, nga mao usab ang kanhing Olympic Champion nga si Emma Twigg sa oras nga 7:26.89. Gisundan kini ni Aurelia-Maxima Katharina Janzen nga taga Switzerland sa oras nga 7:31.12, ignon man si Virginia Diaz Rivas kansa pambato sa Espanya alabng sa ikatulong pwesto sa oras nga 7:34.01.
Si Delgaco, kansa lumad nga taga Iriga City, Camarines Sur, mao ang pinaka unang Pilipino nga nag Qualify sa Olympiada human nga ningkamada kini sa ika upat nga pwesto sa World Rowing Asian and Oceania Olympic Qualification kansa gipahigayon sa Chungju, South Korea niadtung Abril ning kasamtangang tuig.
