BUTUAN CITY – Gikompirma sa Department of Foreign Affairs (DFA) nga usa ka 37-anyos nga Filipino nga nakabase sa Riyadh, Saudi Arabia ang lakip sa namatay atol sa Hajj pilgrimage tungod sa heatstroke agi sa grabeng kainit sa panahon.
Sumala ni DFA Secretary Eduardo De Vega, nga gilubong na ang maong Pinay niadtung.
Base usab ni Philippine Embassy Chargé d’Affaires Rommel Romato nga ang namatay nga Pinay pilgrim kay gikan sa Western Mindanao kansa nagtrabaho isip dental assistant sa Riyadh. Miapil kini sa pilgrimage uban sa grupo sa ubang mga overseas Filipino workers.
Sumala sa maong opisyal nga anaa sa 5,100 ka mga Filipino ang misalmot sa pilgrimage karong tuiga, ang Hajj usa sa 5 ka haligi sa Islam kansa obligado nga tumanon sa mga Muslim.
Sa laing bahin, nagpadala na ang Department of Foreign Affairs (DFA) og team sa Saudi Arabia aron suportahan ang Philippine Embassy sa Riyadh nga momonitor ug motabang sa mga Hajj pilgrims.
Sa kasamtangan, ning-abot na sa kapin 500 ka mga pilgrims ang nanga matay atul sa hajj. Niadtong Lunes, ang temperatura sa Mecca, asa naka sentro ang maong kalihukan, kay ning igo na sa sa 51.8 degree celsius.
