BUTUAN CITY – Gikumpirma ni Pangulong Ferdinand ‘Bongbong’ Marcos Jr., nga maka-uli na sa nasud si Pinay drug convict Mary Jane Veloso human ang kapin sa usa ka dekadang paghangyo ug pakigsabot sa Indonesian government.
Madumdumang nahukman siya og silot-kamatayon sa Indonesia ug sigon sa pangulo, human ang kapin napulo ka tuig nga paghangyong idelatar ang execution ni Veloso, milampos na ang gobyerno sa pagluwas karon sa iyang kinabuhi.
Alayon niini, nagpasalamat og dako ang pangulo kang Indonesia President Prabowo Subianto ug sa gobyerno sa maong nasud tungod sa ilang pagsabot ug sa ilang kaayo.
Sigon ni Pangulong Marcos, ang gihimo sa Indonesian government, nagsalamin lang sa lawom nga relasyon sa duha ka nasud ug nagkahi-usa sa tumong alang sa hustisya.
Dili matud pa malilong nga ang istorya sa kinabuhi ni Veloso, mitisok sa kasing-kasing sa kadaghanan nga tungod sa nasinatiang grabeng kalisod, mihimo og usa ka desperadong desisyon nga nag-usab sa dagan sa iyang kinabuhi.
