BUTUAN CITY – Napadayon ni Pinay boxer Nesthy Petecio ang iyang tinguhang maka-gold medal human giparot si Jaismine Lamboria sa India via unanimous decision sa ilang round of 32 clash alang sa women’s 57kg division sa 2024 Paris Olympics nga gipahigayon sa North Paris Arena.
Apan dakong hagit gihapon ang naghulat sa 32-anyos nga Filipina boxer, tungod kay sunod niyang maka-agbat ang third-seeded ug ang hometown bet nga si Amina Zidani sa France alang sa Round of 16 nga himuon karong Sabado sa alas-dos sa kaadlawon, oras sa Pilipinas.
Nabati ni Petecio nga kinahanglan pa niyang kompletuhon ang iyang unfinished business human nakakuha og silver medal sa Tokyo Olympics tulo ka tuig na ang nakalabay.
Sa pagsugod pa lang sa dula, lig-on na ang performance ni Petecio human nakuha ang kada-ugan gikan sa upat sa lima ka mga judges kondiin bugtong si American judge Shawn Reese ang ang mipabor kang Jaismine, 4-1.
Tungod niini, duha ka daug na lang ang paningkamutan ni Petecio aron makakuha og guaranteed medal isip semifinalists o kaha makakuha man lang og bronze medal sa Olympics.
