BUTUAN CITY – Mu-away unyang alas-siete sa gabii, oras sa Pilipinas si Agustina Bantiloc alang sa archery women’s individual compound kondiin iyang maka-agbat ang 27 ka lain pang mga atleta sa qualifying round nga himuon sa Les Invalides Arena.
Target ni Bantiloc nga makasulod sa medal round nga himuon sa Septyembre 1.
Sa kasamtangan, anaa sa ika-24 nga pwesto si Bantiloc sa word ranking sa archery women’s individual compound rason nga duna’y tsansang makakuha kini og medalya bisan pa man sa presensiya sa uban pang mga banggi-itang magdudula sa tibuok kalibutan.
Nasayrang gikan pa si Bantiloc sa bronze medal finish sa Compound Open Mixed Category Para Archer Olympic Qualifiers nga gipahigayon sa Thailand ning mi-aging tuig.
Karong Agusto 31, mu-away usab si Allain Ganapin sa taekwondo competition nga himuon sa Grand Palais.
Apil sa delegasyon sa Paris Paralympics sila Asian champion Ernie Gawilan sa swimming, Cendy Asusano sa women’s javelin throw F54, Jerrold Mang
liwan sa men’s wheelchair race T52 ug Angel Otom sa women’s swimming S5.
Samtang si Hadi Hassanzada, mi-away sugod kaganinang alas-kwatro sa hapon sa men’s K44 -80kg round of 32 match.
