BUTUAN CITY – Ning-ani og atensyon online ang pangalan sa usa ka engineering examinee nga taga Jaro, Iloilo city ning nakalabayng semana, sa Central Philippine University.
Kini human gipost sa online platform ang mga pangalan sa mga nangagpas sa maong board exam, makita man gud sa listahan sa mga pangalan sa mo exam sa Room En404 sa nahisgutang eskwelahan ang pangalan nga kinutlo sa usa ka sikat nga bersikulo sa Bibliya.
Ang maong pangalan?
John 3:16.
Usa si John 3:16 Aguasa Puero sa mga ning-exam niadtung Hunyo 20 ning kasamtangang tuig. Ang John 3:16, usa ka pasahe sa bibliya diin nag hisgot sa gugma sa Dios sa kalibutan, nga gihatagpa niini ang iyahang kaugalingong anak aron lang kita makabaton sa kinabuhing dayon.
Ang sikat nga English translation sa maong pasahe mao ang NIV Version niini nga nagkanayon: John 3:16 “For God so loved the world that he gave his one and only Son, that whoever believes in him shall not perish but have eternal life.”
Komento sa usa ka netizen “Unsay pangalan nimo? -For God so loved the world, that he gave his only begotten Son, that whosoever believeth in him should not perish, but have everlasting life, in short, John 3:16.”
Pasiaw usab sa isa “kusgan kaayog backer si John 3:16 uy, largo man si Lord.”
Apan duna usay uban nga seryoso sa ilahang mga komento, sama sa usa ka netizen nga ning comment og: “God bless John 3:16….good luck is not for you for you are blessed. Your parents are so blest that of all many names they found the best name for you…your future is in the Lord.”
Subay niini, duna usay nag ingon nga “You have the whole Iloilo rooting for you, John 3:16! Best of Luck!”
