BUTUAN CITY – Trending karon sa Japan ang Domdom fastfood restaurant tungod sa weird nilang burger nga duna’y palaman nga Asian pear kon peras!
Ang pinakabag-o nilang limited edition menu item nga “Nashi Double Teriyaki Burger” gikagubtan tungod kay talagsaon lamang kini sa mga dagkong international fast food chain sa Japan nga makasabay sa panlasa dili lang sa mga Hapones apan apil na sa tanan.
Sigon sa website sa Dom Dom, ang maong burger duna’y sweet soy sauce glaze nga teriyaki ingon man nipis nga hiwa sa prutas nga Nashi, usa ka klase sa peras kon Asian pear kansang unod crunchy ug tam-is sama sa mansanas.
Nag-viral kini online tungod sa kadaghan sa mga customer nila nga vloggers ug nag-post niini sa social media nga nagdayeg sa kalamil niini.
Nagkantidad kini og 700-yen kon 266-pisos ug limited edition lamang kini tungod kay ang nashi, anihon lang gikan sa hinapos ning bulana hanggtud sa Oktubre.
