BUTUAN CITY – Sa pinaka-unang higayon, mag-host ang Los Angeles, California og usa ka sperm race kon lumba sa tinuod nga mga sperms nga bansagan og ‘Sperm Racing’, kansa usa ka wild, history-making event isip usa ka paagi aron paghimo sa reproductive health nga engaging ug measurable samtang giresolba ang nagka-ubos nga fertility rates.
Gi-organize kini sa startup Sperm Racing, kansa usa ka talagsaon nga kalihukan nga himuon sa Hollywood Palladium, nga himuon ugmang adlawa, Sabado, Abril 26 oras sa Pilipinas, ug kini mutala unya og kasaysayan isip pinaka-unang competitive sperm motility showdown sa kalibutan.
Gila-umang kapin sa 1,000 ka mga tawo ang magtapok aron musaksi niini bisan pa man og dili makita sa yanong mata ang mga racers dayong pasalig nga, mabati sa tanan ang kulba-hinam.
Ang “Sperm Racing,” ideya sa grupo sa mga batan-ong milyonaryo gikan sa mga representante sa duha ka magkaribal nga University of Southern California ug University of California, Los Angeles nga mao’y mag-monitor sa mga microscopic swimmers gamit ang microscopic camera nga motutok sa matag-sperm hangtod kini makalabang sa finish line.
Tulo ka hugna ang buhaton nga kompetisyon aron masuta kung kinsa ang overall champion, uban sa play-by-play nga komentaryo, instant replays, leaderboards, ug pagpusta pinaagi sa mga approved partners.
