BUTUAN CITY – Napatay na sa edad nga 103-anyos ang lima ka higayon nga Olympic champion nga si Hungarian gymnast Agnes Keleti, kansa giilang pinakatigulang nga Olympic gold medallist og survivor sa pagpanglutos sa mga hudiyo niadtong ikaduhang gubat sa kalibutan.
Gipakatawo si Agnes Klein sa Budapest niadtong Enero 9, 1921, kansa miapil siya sa National Gymnastics Association niadtong 1938 og midaug sa iyang unang Hungarian championship sa 1940, apan niadtong tuiga usab gi-ban siya sa tanang sports tungod kay hudiyo ang kaliwat niini.
Sumala sa International Olympic Committee nga si Keleti nakasibat sa deportasyon ngadto sa Nazi death camps, asa liboang mga Hungarian nga hudiyo ang gipatay.
Nagtago si Keleti sa habagatang kumunidad sa Budapest pinaagi sa dili tinood nga mga papeles apan ang iyang mga kabanay og amahan napatay sa maong death camp.
Midaug siya sa pinaka-unang gold sa Helsinki games niadtong 1952 og naabot ang pinakataas sa iyang karera sa Melbourne niadtong 1956 kanus-a siya midaug og upat ka gold medals og nahimong pinakatigulang nga female gymnast nga midaug sa gold.
