BUTUAN CITY – Nadiskubrehan sa usa ka grupo sa mga researchers sulod sa usa ka langob duol sa Greek-Albanian border ang pinakadako nga spider web sa tibuok kalibutan nga gihimo sa kapin 111,000 ka mga lawa-lawa.
Sigon sa mga researchers sa Sapientia Hungarian University of Transylvania sa Romania, ang Cave of Sulphur, usa ka itom nga langob sa Southern Europe, gipuy-an sa dili mabangbang nga colony – usa ka spider megalopolis nga gihimo pinaagi sa duha ka mga spider species nga hini-usang nagpuyo sa usa ka pinasahing ecosystem.
Ang maong web duna’y gilapdong 106 square meters nga anaa sa bungbong sa langob duol sa entrada niini nga duna’y libuan ka tagsa-tagsa nga funnel-shaped tissues.
Dihang ila kining nakita, napuno sila sa pagdayeg, respeto ug kalipay ilabina nga gipuy-an kini sa duha ka klase sa gma lawa-lawa, ang arachnids, Tegenaria domestica, nga mas nailang lawa-lawa sa balay ug Prinerigone vagans.
Posibleng ang kangitngit sa langob ang rason nga dili magkinan-anay ang duha ka klase sa lawa-lawa nga nagsalig lang sa mga masaag nga insekto.
