BUTUAN CITY – Nakurat ang tanan dihang gibulgar ni PLCol. Jovie Espenido sa ikatulong joint hearing sa Houe Quad Committee nga anaa sulod sa Philippine National Police ang pinakadakong sindikato sa Pilipinas partikular sa organized crime group ilabina sa drug war.
Gidayeg pa ni Espenido ang PNP institution gawas lang sa mga membro niini kondiin bisan siya, nabiktima sa maong sindikato ilabina sa drug war sa Duterte administration.
Iyang gisaysay nga nasuko si kanhi Pangulong Rodrigo Duterte nga siya ang gipasanginlan nga membro siya sa sindikato taliwa sa maayong performance nga iyang gipakita humannga pipila ka mga dagkong drug lords ang iyang nakuha.
Kini matud pa ang naghatag kaniya og ideya nga anaa lang sulod sa PNP organization ang organisadong grupo sa mga kreminal.
Apan dali kining ginegar ni Police Major General Romeo Caramat Jr., dungan sa pagbutyag nga walamatud pa unta’y masinating kahapsay ug kalinaw sa nasud kung kini tinuod pa.
