BUTUAN CITY – Nadakpan sa mga federal agents sa Estados Unidos didto sa El Paso, Texas, ang usa sa pinakadakong drug lords sa kalibutan nga si Ismael “El Mayo” Zambada, ang lider sa Sinaloa drug cartel sa Mexico.
Ang 76-anyos nga si Zambada, mao ang founder sa criminal organization uban ni Joaquin “El Chapo” Guzman, kinsa nagtingkagol na usab sa Estados Unidos.
Naaresto uban kang Zambada ang anak nga lalaki ni El Chapo nga si Joaquin Guzman Lopez, base na sa pagkumpirma sa US justice department.
![](https://img.bomboradyo.com/butuan/2024/07/drug-cartel.jpg)
Madumdumang niadtong Pebrero, gikasuhan si Zambada sa mga US prosecutors og pakigkunsabo aron makahimo ug makapang-apod apod og fentanyl, usa ka druga nga mas gamhanan pa kaysa heroin kansa maoy gibasol sa nasinatiang opioid crisis sa Amerika.
Sigon ni US Attorney General Merrick Garland, sila El Mayo ug El Chapo may nanguna sa pinakabayolente ug pinakagamhanang drug trafficking organizations sa kalibutan.
Dili matud pa mu-undang ang US Justice Department hangtud nga mapanubag ang matag-usa ka cartel leader, membro ug associate nga responsable sa paghilo sa ilang komunidad.