BUTUAN CITY – Ning mi-aging mga dekada, ang matag-listahan sa Forbes magazine ilabina sa mga top 100 nga mga adunahan, langkuban gyod sa kalalakin-an apan karon, nanaghan na ang mga negosyanteng babaye ug mga business founders nga apil na sa mga pinaka-adunahang tawo sa tibuok kalibutan.
Dinhi sa Pilipinas, ang mga babayeng duna’y pinakataas nga net worth mao na’y mi-ukupa karon sa lingkuranan sa chairwoman diha sa boardrooms, ug nag-unang mga kompanya isip mga Chief Executive Officers kon CEOs, ug naghupot og mahinungdanong papel sa pinakadakong mga conglomerates sa nasud.
Duna na’y daghang mga milyunaryo sa Pilipinas, apan niini nga listahan atong ipakita ang mga bilyunaryo ug apil niini sila;
Teresita Sy-Coson
Ang managsoong Sy siblings duna’y kinatibuk-ang bahandi nga mu-abot sa $16.6 billion, kansa gibahin sa unom ka mga sumusunod ni anhing industrialist Henry Sy Sr.
Silang unom karon ang nagpadagan sa SM Group isip usa ka yunit, apan isip managsoon, gidumala sila sa kinamaguwangang anak ni Henry Sy nga si Teresita Sy-Coson kinsa mas nailang TSC ngadto sa SM team ug sigon sa Forbes, ang bahandi sa matag-TSC, gibana-banang anaa sa $2.5 billion.
Sa edad nga 71-anyos, si Teresita Sy-Coson ang co-chairman sa SM Investments Corp., chairperson sa BDO Unibank, advisor to the board sa SM Prime Holdings, ug chairperson sa SM Retail.
Mi-graduate siya sa Assumption College sa Bachelor of Arts and Science degree sa Commerce, nag-major sa management.
Elizabeth Sy
Siya ang ikaduhang anak ni Henry Sy Sr., kinsa ikaduhang pinaka-adunahan tungod sa pagbaton og bahandi nga gibana-banang mi-abot sa $2.2 billion, sigon sa Forbes.
Sa edad nga 69-anyos, siya ang kasamtangang advisor ngadto sa boards sa SM Investments and SM Prime ug siya ang maglantaw sa hotel hospitality ug lesisure arm sa conglomerate sa ilang pamilya isip chairperson ug presidente sa SM Hotels and Conventions ingon man co-chairperson sa Pico De Loro Beach and Country Club.
Mi-graduate si Sysa degree in Business Administration gikan sa Maryknoll College.
Soledad Oppen-Cojuangco
Sa edad nga 86-anyos, si Soledad ang biyuda ni Eduardo “Danding” Cojuangco, ang kanhi San Miguel Corp. CEO.
Sa iyang pagkamatay niadtong tuig 2020, napanunod ni Soledad gikan sa namatay niyang bana ang $1.42 billion nga propiedad uban sa upat nila ka mga anak nga sila Mark, Carlos, Luisa, ug Margarita.
Dihang siya namatay, si Cojuangco ang chairman ug CEO sa San Miguel Corp., Ginebra San Miguel, ug Petron Corp.
Betty Ang
Adiser na-ilhan sa publiko ang Monde Nissin, wala kaayo’y naka-ila sa misteryusang si Betty Ang kinsa co-founder sa Monde Nissin niadtong 1979 uban sa Indonesian nga si Hidajat Darmono, kinsa iyang father-in-law.
Ang maong pamilya nagpadagan na og malampusong food company sa Indonesia, ug ang Monde Nissin mao ang malampusong Philippine-Indonesian venture sa pamilya dinhi sa Pilipinas.
Ang bahandi ni Betty Ang, gibana-banang anaa sa $1.4 billion.
Si Betty Ang maoy presidente sa Monde Nissin samtang ang iyang bana nga si Hoediono Kweefanus, mao ang vice chairman.
Ang iyang brother-in-law nga si Hartono Kweefanus maoy nagpadagan sa inadlaw-adlaw nga operasyon sa kompanya isip chairman, samtang si Hartono ug ang brother-in-law ni Hoediono, ang bana sa ilang igsoong babaye nga si Henry Soesanto mao ang CEO.
Mercedes Gotianun
Duna’y bahandi nga mu-abot sa $1.25 billion, ang Gotianun family matriarch mao ang ikalima sa listahan kondiin siya ang chairperson emerita sa Filinvest Development Corp., kondiin siya usab ang co-founder uban sa namatay na niyang bana nga si Andrew Gotianun Sr. niadtong 1955.
Ang Filinvest usa sa pinakadakong property developers sa nasud ug sa edad nga 93-anyos, gitugutan na ni Mercedes ang iyang anak nga si Josephine nga maoly mupadagan sa inadlaw-adlaw nila nga operasyon isip president ug CEO sa maong kompanya.
Adiser siya nahimong chairperson emerita, si Mercedes maoy director sa FDC gikan niadtong 1980 hangtud sa 2019 ingon man CEO sa Filinvest Land Inc gikan niadtong 1997 ngadto sa 2007.
Usa siya ka UP graduate, ug kasamtangang director sa East West Bank, Pacific Sugar Holdings Corp., ug sa FDC Utilities Inc.
The Married Couples
Maria Grace & Dennis Anthony Uy
Sila ang magti-ayong co-founders sa Converge ICT Solutions, usa ka public company, kondiin ang kinatibuk-ang bahandi ni Maria Grace gi-usa sa bahandi sa iyang banang si Dennis Anthony Uy rason nga duna sila’y $2.8 billion nga bahandi ug sila ang pinakabag-ong self-made billionaires sa Pilipinas.
Isip CEO, si Dennis Anthony maoy kanunay masentro sa atensyon sa media apan si Maria Grace mao ang kasamtangang presidente, chief resource officer, ug executive director sa kompanya.
Usa ka certified accountant, mi-graduate si Maria Grace gikan sa De La Salle University sa Bachelor of Science in Accountancy.
Susan and Lucio Co
Sama sa pamilyang Uy, ang magti-ayong Co, parehong nagdumala sa ilang conglomerate, ang Puregold Price Club, usa ka supermarket chain nga duna’y mga tindahan sa tibuok nasud ug ang ilang gihi-usang katigayunan, gibana-banang mi-abot sa $1.7 billion.
Si Susan Co ang vice chairman sa Cosco Capital, ang kompanyang nanag-iya sa Puregold Price Club ug S&R Membership Shopping.
Siya usab ang director sa Philippine Bank of Communications kondiin ni-graduate siya gikan sa University of Santo Tomas sa Bachelor of Science Degree in Commerce.
The Siblings
The Gokongwei Sisters
Ang namatay nang industrialista nga si John Gokongwei Jr. mitugyan sa JG Summit ngadto sa iyang unom ka mga anak kondiin ang iyang bugtong anak nga lalaking si Lance Gokongwei maoy nagdumala niini isip chairman ug CEO sa conglomerate, samtang ang mga igsoon niining babayeng sila Robina, Lisa, Faith, Hope, ug Marcia Gokongwei parehong naghupot og mahinundanong papel sa JG Summit’s units, gikan sa retail arm Universal Robina ngadto na sa philanthropic organization nga Gokongwei Brothers Foundation.
Silang tanan duna’y net worth nga $4 billion.
The Ty Sisters
Ang upat ka managsoong Ty maoy nagpadagan sa Metrobank ug sa GT Capital human namatay ang ilang amahang si George Ty.
Pagpanguna ni Arthur nga maoy chairman sa GT Holdings, apil sa managsoong Ty sila Alfred, Alesandra, ug Anjanette kinsa duna’y kinatibuk-ang bahandi nga mu-abot sa $2.2 billion.
Si Anjanette maoa ng treasurer sa GT Capital ingon man executive vice president sa Federal Land Inc., senior vice president sa Metrobank Foundation, ug uban pa samtang si Alesandra mao ang kasamtangang assistant treasurer sa GT Capital, director ug corporate treasurer sa AXA Philippines, ingon man corporate secretary ug treasurer sa First Metro Investment Corp.
The Consunji Sisters
Ang laing set sa managsoong anaa sa listahan mao ang managsoong Consunji nga gilangkuban nila Isidro, kinsa maoy chairman ug CEO sa DMCI Holdings, ingon man sila Jorge, Josefa, Luz, Maria Cristina, ug Maria Edwina.
Ang bahandi sa ilang pamilya naggikan sa construction and coal nga gilangkuban sa DMCI Holdings ug sa Semirara Mining and Power Corp. kondiin sila duna’y net worth balor $1.8 billion.
Ang managsoong Maria Cristina, Maria Edwina, ug Luz parehong nagsilbing board of directors sa DMCI Holdings, ug silang tanan, duna’y gipanunod nga bahin sa conglomerate sa pamilya.
The Que Sisters
Ang managsoong Que, ubos sa pagdumala ni Vivian Que Azcona, alang sa ilang family business— ang household brand nga Mercury Drug.
Ang walo ka managsoong Que, mga anak sa namatay’ng si Mariano Que, kinsa maoy founder sa Mercury Drug niadtong 1945.
Taliwa sa ilang kalampusan, ang Mercury Drug nagpabiling usa ka private company, rason nga nahatagan sila og privacy.
Ang walo ka sumusunod ni Mariano Que duna’ya net worth ng $1.65 billion.
