BUTUAN CITY – Mitala og bag-ong record ang Pilipinas tungod sa kadaghan sa mga tawong nag-uban pagtanom og kawayan sa managlahing lokasyon ilalom sa bamboo-planting activity nga gi-organisa sa Department of Science and Technology (DOST) ug grupong Kawayanihan Circular Economy Movement.
Sa maong proyekto, nag-uban pagtanom og kawayan ang kinatibuk-ang 2,306 ka mga tawo sa 19 ka mga lokasyon sa Mindanao ug Visayas. Sigon ni Science and Technology Secretary Renato Solidum Jr., parte kini sa tinguha sa Pilipinas nga ma-angat ang kahibalo sa publiko sa kaayuhang dala sa mga kawayan.
Gikumpirma usab sa Guinness management ang maong record rason nga gi-awhag ni Sec. Solidum ang publiko nga hatagan og importansya ang mga kawayan tungod sa dako nilang tabang sa umalabot nga panahon tungod sa climate change apil na sa pagpalambo sa ekonomiya ilalom sa managlahing bamboo innovation program.
