BUTUAN CITY – Makigtinabangay ang Pilipinas sa International Criminal Court (ICC) ugaling hangyuon niini ang International Police kon Interpol nga manguna sa papatubag sa nahitabong anti-drug war campaign sa administrasyong Duterte.
Sumala ni Executive Secretary Lucas Bersamin nga taliwala nga wala nabag-o ang posisyon sa Marcos Administration nga walay kagahum ang ICC sa Pilipinas, karon nga ning hawa na ang nasod sa maong organisasyon subay na usab sa desisyon ni kanhi Presidente Duterte, wala gihapon matud pay mahimo ang administrasyong Marcos kung makig-tinabangay ang nasangpit nga Criminal Court sa Interpol tungod kay membro pa man gihapon ang Pilipinas sa maong organisasyon.
Dugang pa ni Bersamin nga dili usab maayo nga dili tagdon sa Pilipinas ang mga hangyo unya sa Interpol kung mangayo og tabang kanila ang ICC, tungod kay mamahimo usab nga dili kita pansinon sa Interpol kung ang Pilipinas n usab unya ang manginahangalan niini.
Kahibaloang kasamtangan nga nag-atubang og kasong crimes against humanity sa ICC si kanhi Presidnete Rodrigo Duterte tungod sa dugoon niining war on drugs kon anti drug campaign diin kapin sa 6-mil ka mga drug personalities ang gikatahong illegal nga gipatay.
