BUTUAN CITY – Nangandam na ang pangamhanan sa Pilipinas human nakasulod na sa Philippine Area of Responsibility ang Tropical Storm Kong-Rey kagahapon sa gabie, kansa tawgon na sa nasod nga Leon sigon sa state weather bureau.
Sayran nga nasigpatan ang Tropical Storm Leon sa gilay-on nga 1,075 km sidlakan sa Central Luzon, rason nga padayon ang pag-impluwensya niini sa habagat nga una nang naka trigger sa Severe Tropical Storm Kristine kansa anaa na sa gawas sa Philippine Area of Responsiblity.
Tungod niini, wala pa man gani naka bakod ang mga katawhan sa kinatibuk-ang bahin sa Luzon ingon man sa sidlakang bahin sa Visayas, nangandam na usab ang mga niini sa posibleng mahitabo na usab ilawom sa bag-ong bagyo.
Alayon niini, gipailawom na sa State of Calamity ang 13 ka mga local government units kon LGUs sa Eastern Visayas tungod kay halos tanan nahumol pa gihapon sa tubig baha tungod sa kusog nga uwan nga dala sa bagyong Kristine, samtang natala usab sa maong mga lugar ang mga insidente sa pagdahili sa yuta.
Sumala pa sa Office of the Civil Defense -Eastern Visayas nga lakip sa gipailalom sa state of calamity ang dose ka mga lokal nga kagamhanan sa probinsiya sa Eastern Samar ug Calbayog City sa probinsya sa Samar. Sa Luzon, gipailawom na usab kagahapong adlawa ang Quezon City sa State of Calamity tungod sa baha ng aning lamoy sa kadaghanang bahin sa nasangpit nga syudad, agi na usab sa Bagyong Kristine.
Gawas pa ang maong mga lugar s auna nang gideklara nga State of Calamity sama sa Bicol Region ingon man sa probinsya sa Batangas. Sayran nga dali nalang ma pang-apod-apod sa pangamhanan ang quick response fund ngadto na sa ilang mga rwsidente ugaling iisa na ang State of Calamity.
