BUTUAN CITY – Miabot na ang unang shipment sa imported diesel sa gobyerno niadtong Huwebes, Marso 26, 2026 isip kabahin sa lakang aron mapalig-ong ang suplay sa lana ug mapug-ngan ang epekto sa pa-usab-usab nga presyo niini sa lokal nga merkado.
Sumala sa Department of Energy (DOE), anaa sa kapin 0 kulang 22.5 milyong litro o 142,000 bariles sa diesel ang ilang nadawat, nga kabahin sa plano aron pakusgan ang reserba sa enerhiya sa nasud.
Gihimo kini alayon sa direktiba ni Pangulong Ferdinand Marcos Jr. sa ilalom sa Executive Order No. 110, nga nagtukod sa Emergency Energy Security Program.
Tumong sa programa nga protektahan ang mga mamalitay ug industriya batuk sa kalit nga pagtaas sa presyo sa lana sa world market pinaagi sa pagdugang og lokal nga imbentaryo sa fuel.
Sigon ni Energy Secretary Sharon Garin nga padayon nilang gi-monitor ang suplay sa lana aron maseguro nga dili malangay ang transportasyon ug negosyo sa nasud.
Gidumala ang pagpalit og pagdala sa diesel sa tabang sa Philippine National Oil Company ug sa PNOC Exploration Corp., nga gitahasang seguruhon ang plastar nga implementasyon sa programa.
Target sa gobyerno nga magtipig og hangtud 2 milyones bariles nga dugang fuel isip reserba, nga magsilbing proteksyon batuk sa posibleng kakulangon sa suplay.
Bisan paman sa padayon nga paglihok sa presyo sa lana sa pangkalibutanong merkado, gipamugos sa DOE nga prayoridad sa gobyerno ang igo ug padayon nga suplay sa diesel, nga mahinungdanon sa transportasyon ug agrikultura.
Wala na gibutyag sa ahensya ang katibuk-ang kantidad sa nasangpit nga shipment apan gitumbok sa DOE nga mas importante ang pagka- accessible sa fuel para sa publiko taliwa sa nagtunhay nga pressure sa global oil prices.
