BUTUAN CITY – Mi-apil ang Pilipinas sa 90 ka nasod nga misalmot sa Ukraine Peace Summit nga gipahigayon sa Buergenstock, Switzerland kondin ang mga lider sa lain-laing mga nasud nagkahi-usa sa tinguha pagkab-ot og consensus mahitungod sa gisugyot nga kalinaw sa Ukraine.
Si Presidential Adviser on Peace, Reconciliation and Unity Secretary Carlito Galvez Jr. ang mirepresentar ni Pangulong Ferdinand Marcos Jr. sa maong peace summit kondiin wala mutambong niini ang China.
Ang isyu sa peace summit nasentro sa isyu sa gubat bisan sa pagkaon ug nukleyar nga seguridad.
Ang Turkey ug Saudi Arabia mi-insistir sa paghimo og usa pa ka miting tungod kay ang mahinungdanon nga pag-uswag nagkinahanglan sa pag-apil sa Russia.
Alang kang Ukrainian President Volodymyr Zelenskyy, malampuson ang summit tungod sa pagtambong sa mga lider sa kalibutan nga maisip nga usa ka kasaysayan.
Wala usab mutambong si US President Joe Biden apan iyang gipadala si US Vice President Kamala Harris.
Sa bisperas sa summit, gibutyag ni Russian President Vladimir Putin nga tapuson nila ang gubat kung mu-uyon lang ang Kyiv nga ihunong na an ambisyon sa NATO ug itugyan ang upat ka mga probinsya nga gi-angkon sa Moscow.
