BUTUAN CITY –Nagbahad ang China sa Pilipinas isip tubag sa mga plano sa nasod sa pagkuha og mga mid-range missile system sama sa Typhon MRC sa Estados Unidos.
Sumala ni Ministry of Foreign Affairs spokesperson Mao Ning, makonsidera kini nga pagpangatake kanila, ug dili depensa sa atong nasod. Dugang niini nga ang pag-deploy og Typhon MRC system sa Pilipinas, hulga sa interest sa ilang nasod nga mahimong musangpot sa tensyon sa rehiyon.
Gi-awhag usab ni Mao ang Pilipinas nga sundon ang mga saad niini sama nalang sa pagka-neutral aron malikayan ang mga lakang nga makadaot sa China. Nasayran nga ang Typhon system, nga kayang maglusad og parehong mga normal nuclear warheads, gipadala sa Pilipinas isip kabahin sa paningkamot sa gobyerno nga madepensahan ang teritoryo niini sa West Philippine Sea (WPS).
Importante alang sa Pilipinas ang nasnangpit nga sistema aron maprotektahan ang soberanya sa nasud partikular na ang exclusive economic zone (EEZ) ug arun usab masuportahan ang Comprehensive Archipelagic Defense Concept (CADC).
