BUTUAN CITY – Wala na nalakip ang Pilipinas sa mga nasud nga gimonitor sa international body for money laundering and countering financing of terrorism (AML/CFT) dul-an upat ka tuig human naapil ang nasud sa gitawag nga anti-dirty money “grey list.”
Ang maong impormasyon gipagawas human sa tigom sa Paris-based Financial Action Task Force (FATF), diin nasuta nga gawas na ang Pilipinas sa mga nasod nga ginamonitor sa kasamtangan sa maong internasyonal nga ahensya.
Sayran nga kung nabutang ang usa ka nasod sa “grey list” sa Financial Action Task Force, nagpasabot kini nga nakasentro pa ang maong nasod sa pagtutok sa pagsulbad sa mga nakitang strategic deficiencies sulod sa gikatakdang panahon, ug giisip usab una kini nga highly monitored nga nasod.
