BUTUAN CITY – Duna pay igong supply ang Pilipinas sa pagkaon ingon man sa bugas karong panahon sa El Ninño.
Kini ang gikataho ni Presidente Ferdinand Bongbong Marcos Jr. atul sa pagbisita niini sa Occidental Mindoro karong adlawa, Abril 23.
Sumala sa Presidente nga sa katinood, taas matud pa ang ani sa mga lugar nga duna pay tubig, rason nga igo pa ang supply sa bugas sa nasod ug wala matud pay kinahanglan nga ikabalaka ang mga katawhang Pilipino.
Apan sumala usab niini nga kinahanglan matud pang palapdan pa ang irrigation system sa nasod, ilabi na sa mga lugar sa Pilipinas kansa nakasinati sa grabing huwaw, sama sa Occidental Mindoro.
Gawas niini, gikataho usab sa presidente nga gipangitaan na og pamaagi sa National Irrigation Administration’s (NIA) ang maong problema.
