Pila ka trakan nga relief goods, ihatud ngadto sa mga biktima sa linog sa Davao City

BUTUAN CITY – Mi-abot sa kinatibuk-ang 20 ka sakong bugas gikan sa Bureau of Jail, Management and Penology kon BJMP-Surigao ang gi-turn over ngadto sa Philippine Coast Guard kon PCG-Surigao Station.

Kabahin kini sa mga relief items alang sa mga biktima sa linog didto sa Davao City subay sa gilusad nga #TabangMindanaoOperation2019.

Gawas niini, gikarga na usab ang lima ka trakan sa mga relief goods sa Department of Social Welfare and Development kon DSWD nga anaa karon sa pantalan sa Brgy. Lipata, Surigao City og gihulat na lang ang napulo ka trak Philippine Coastguard nga puno usab sa mga relief goods ug mga PCG personnel gikan sa Manila aron dungan nga ihatud ngadto sa Davao City.