-- ADVERTISEMENT --
BUTUAN CITY – Natang-gong ang usa ka pickup human kini masangit sa kusog nga bul-og sa tubig-sapa sa Purok 1, Manasa, Anitapan, Mabini, Davao de Oro, atol sa kusog nga pagbundak sa ulan.
Sumala sa uploader nga si Gerly Clor, ang maong sakyanan gikan pa sa Boringot, Pulang Lupa ug misulay ug tabok sa sapa bisan pa sa taas na nga tubig.
Hinoon, luwas ang tanang sakay sa behikulo ug dali silang natabangan sa mga otoridad nga miresponde sa insidente.
Tungod niini, gi-awhag ang publiko nga magmatngon sa pagsubay sa mga sapa ilabi na kon adunay kusog nga ulan aron malikay sa peligro o aksidente.
