BUTUAN CITY – Plano karon sa magtiayong Pia ug Jeremy Jauncey nga magpakasal utro sa Scotland, kauban na ang pinaka suod ug ilang mga pamilya. Sumala ni Pia sa usa ka interview nga gusto matud pa nila sa iyahang bana nga ikasal og usab sa usa ka kastilyo sa Scotland.
Kahibaloan nga gikasal ang duha niadtung Marso sa nakalabayng tuig sa usa ka isla sa Seychelles, East Africa, diin bugtong ang Pari lamang ug ang cameraman ang saksi sa nasangpit nga seremonyas. Pagbutyag ni 2015 Miss Universe ning kabat lamang matud pa og 10 minutos ang ilahang pag plano sa nasangpit nga kasal, gipili matud pa nila kaniadto nga kaslon nga sila lang tungod kay gusto ra usab nila nga ma enjoy ang moment.
Giangkon usab ni Pia nga usa matud pa sa iyahang gikahadlokan kay ang mo baktas sa aisle ug daghang mga camera ug mga cellphone ang nakapunting kaniya, kini taliwala pa man nga anad na siya moatubang og camera.
