BUTUAN CITY – Gipabalik na sa Korte Suprema ang ₱60 bilyon nga sobrang pundo sa Philippine Health Insurance Corporation kon PhilHealth nga una nang gitugyan ngadto sa National Treasury, aron tukion ang legalidad ug hustong paggamit niini.
BaSE sa ‘unanimous decision’ o 15-0 nga boto sa mga mahistrado, gipa-uli niini ang 60-bilyon pisos mga pondo sa Philhealth samtang wala usab gitugot nga ibalhin pa ang nahabiling P29.9 billion nga balanse.
Madumdumang gipa-remit ang maong PhilHealth fund ngadto sa National Treasury tungod kay sobra kini sa aktwal nga kinahanglanon sa premium subsidies sa mga indigent members, senior citizens, ug uban pang sektor nga dili makabayad sa kontribusyon.
Gikwestyon kini sa mga petitioners ug pila ka mga senador sa rasong dapat kini magamit alang sa health benefits sa mga miyembro ug dili angayang ibalik sa Treasury.
Nasayrang ang Korte Suprema mao ang final arbiter sa isyu, ug gi-review na nila kung legal ba ang pag-remit ug unsaon pag-apod-apod sa pondo.
Una nang gibarugan sa mga kritiko nga wala’y klarong guidelines ug accountability sa paggamit sa sobra nga pondo ug sa pagkakaron, wala pa nagpagawas ug final decision ang Korte Suprema rason nga pending pa ang status sa ₱70 bilyon nga pundo.
Mahinungdanon ang maong desisyon tungod kay makahatag man kini og dakong pagsalig sa katawhan ngadto sa PhilHealth. Kung mahatagan ug klarong ruling, masiguro nga ang pondo magamit sa coverage ug benepisyo sa mga miyembro.
