-- ADVERTISEMENT --
BUTUAN CITY – Gitugutan na sa Philippine Coast Guard kon PCG-Surigao del Norte ang mga dagkong barko nga mulawig na human gitangtang na sa PAGASA ang storm signal sa maong lalawigan.
Apil niini ang gikan sa Brgy. Lipata padulong sa Southern Leyte ilabina sa Liloan og San Ricardo nga wala na usa’y storm signal.
Apan tungod kay nagpabilin pa ang gale warning, giklaro ni PCG Commander Lawrence Roque nga wala pa sila’y gitugutang mga motorbanca nga mulawig ilabina kadtong nagtimbang og15-gross tonnage pa-ubos.
Tungod niini duna na’y usa ka barkong puno sa pasahero ang milawig na kaganinang alas-onse sa buntag.
