BUTUAN CITY – Gilista sa empluwensyadong Philippine Business Education kon PBEd ang upat ka mga nominado aron mahimong sunod nga kalihim sa Department of Education (DepEd).
Sa sulat nga gipadala kang Pangulong Ferdinand Marcos Jr., gilista ni PBEd president Chito Salazar sila Sen. Sonny Angara, Negros Occidental Rep. Jose Francisco “Kiko” Benitez, Department of Social Welfare and Development (DSWD) Secretary Rex Gatchalian ug ekonomista ug public finance expert Milwida “Nene” Guevara sa Synergeia Foundation alang sa maong posisyon.
Sigon ni Salazar, kinahanglang unahon pagpili ang usa ka eksperyensado, kwalipikado, duna’y kakapas ug mala-umang kalihim kaysa sa political considerations.
Gidayeg sa PBEd si Angara tungod sa pagduso niini sa Senate joint resolution nga nag-asdang sa kamugnaan sa Second Congressional Commission on Education 2 kon EdCom 2.
Samtang si Sec. Gatchalian usab duna’y kasinatian sa DSWD ug isip usa ka kanhi mayor sa Valenzuela City, makahatag kini og pinasahing paagi aron masanong ang krisis sa pagtuon.
Si Benitez usab nga kanhi presidente sa Philippine Women’s University, usa usab sa mga komisyoner sa EdCom ug co-chair saearly childhood care and development ug basic education standing committee.
Samtang si Guevara nga usa ka longtime finance undersecretary niadtong 1990s duna’y lahing panglantaw sa reporma sa edukasyon.
