BUTUAN CITY – Dili pa masaad sa Philippine Boxing team ang pinaka unang bulawang medalya para sa Pilipinas karong umalabot nga Olympic games sa Paris.
Apan sumala sa Association of Boxing Alliances in the Philippines (ABAP), gipaningkamotan nilang malabwan ang performance niini sa Tokyo Oympics, asa sila si Nesthy Petecio ug Carlo Paalam, naka kuha og silver medal, samtang nahatagusab ni Eumir Marcial ang bronze medal alang sa Pilipinas, diin naila usab nga pinaka malampusong tuig alang sa Philippine Boxing sa kasaysayan niini sa Olympics.
Sigon usab sa Association of Boxing Alliances in the Philippines (ABAP), naglaum man gihapon sila sa ilahang lima ka mga mandudula nga maka podium finish karong Olympic games sa umalabot nga Hulyo. Ang maong mga mandudula gilangkuban nila ni Nesthy Petecio, Aira Villegas ug Hergie Bacyadan, lakip usab sila si Carlo Paalam ug Eumir Marcial.
Mobiya ang boxing team sa Pilipinas karong Hunyo 22 alang sa usa ka bulan nilang training sa Metz, France.
