BUTUAN CITY – Gisiguro sa Philippine Army nga walay nakitang bisan unsang hulga sa seguridad ang ilang han-ay nga mamahimong hinungdan aron makompormiso ang unang parliamentary elections sa Bangsamoro Autonomous Region in Muslim Mindanao (BARMM).
Sigon ni Army Spokesperson Col. Louie Dema-ala, padayon ang gihimong monitoring sa ilang tropa sa mga lugar nga dunay kasaysayan sa election-related concerns aron masiguro nga walay mahimong disruption sa mga mahimong piniliay nga nakatakdang ipahigayon sa Setyembre 14.
Andam usab matud pa ang Hukbong Katihan nga maghatag sa ilang suporta sa Philippine National Police (PNP) ug sa Commission on Elections (Comelec) aron maseguro ang seguridad, kalinaw ug kahapsay sa mahimong proseso sa piniliay.
Alayon niini gibutyag usab sa tigpamaba nga dunay igong ihap ang ilang han-ay para sa padayon nga pagkasa sa mga ssecurity missions sa rehiyon particular na ang gikan sa 1st,6th og 11th Infantry Division sa military sa western Mindanao.
Samtang una na usab nga nagpasalamat ang Office of the Presidential Adviser on Peace, Reconciliation and Unity (OPAPRU) sa mga magbabalaod para sa pagpalabang sa sugyot balaodnon nga nagtumong nga i-reset ang first regular parliamentary elections sa Bangsamoro region.
