BUTUAN CITY – Miabot sa 5.28 bilyones pesos ang napagawas sa Philippine Health Insurance Corporation (PhilHealth) Caraga ngadto sa mga health care facilities sa Caraga diin sakop niini ang 403,950 claims para sa entiro tuig 2025.
Gipalig-on usab sa PhilHealth ang health security sa rehiyon human naka-pagawas og 723.63 milyones pesos sa mga accredited health care facilities alang sa 53,107 claims nga nabayad sa Enero 1 ngadto sa Enero 31 ning tuiga ilalom sa National Health Insurance Program (NHIP).
Kini nga accomplishments naka-highlight atol sa paglusad sa ika- 31st anniversary sa Philhealth.
Sigon ni PhilHealth Caraga Regional Vice President Michael Jibson C. Hernandez nga ang selebrasyon dili lang nakab-ot nga milestone kundi pagpahugot sa kolaborasyon ngadto sa universal health care.
Gi-anunsiyo usab niini ang pagpalapad sa PhilHealth YAKAP sa Caraga nga sobra na sa 120 ang accredited YAKAP providers samtang gilusad usab ang PhilHealth GAMOT diin kapin sa 30 ka providers na ang accredited ilalom sa YAKAP GAMOT
