BUTUAN CITY – Padayon ang paningkamot karon sa Pilipinas ug Australia alang sa usa ka Defense Cooperation Agreement kon DCA kansa dili usa ka Mutual Defense Treaty sama sa gisudlan sa Pilipinas ug Estados Unidos.
Sigon ni Bombo international correspondent to Australia Denmark Suede, niadtong Biernes, gipirmahan ang kasabutan tali nila Defense Secretary Gilberto Teodoro Jr. ug sa Australia aron matutukan ang pag-codify sa nagpadayong military collaboration, apil na ang joint exercises ug infrastructure support.
Tumong niini ang pagkompleto na sa kasabutan sa ingon mapirmahan na sa tuig 2026, atol usab sa pag-chair sa Pilipinas sa Association of Southeast Asian Nations kon ASEAN.
Nag-unang feature sa maong kasabutan ang mga military infrastructure projects kondiin mag-invest ang Australia og walo ka mga infrastructure projects sa lima ka mga Enhanced Defense Cooperation Agreement kon EDCA sites sa Pilipinas isip suporta sa Armed Forces of the Philippines (AFP).
