BUTUAN CITY – Nagpahigayon og zoom meeting ang mga opisyal sa Philippine Navy ug mga opisyales sa Dinagat Island province kondiin ilang gihisgutan ang mga kinahanglanon alang sa pagbalhin sa de-commissioned Navy warship nga BRP Rizal padulong sa maong probinsya.
Ang barko gipangayo ni Governor Nilo Demerey Jr. sa Philippine Navy aron himuon nga dugang tourist attraction sa probinsya—isip floating hotel, casino, ug educational museum alang sa mga estudyante ug sa mga bisita. Aprobado na usab sa US Navy, nga maoy orihinal nga tag-iya sa barko, ang paghatag niini sa Pilipinas.
Ang BRP Rizal, usa ka barko nga nagsilbi sa Vietnam War ug sa World War II.
Tumong ni Governor Demerey nga palamboon pa ang turismo sa Dinagat Islands kansa usa karon sa mga pinaka-ginabisitang lugar sa Caraga Region.
