BUTUAN CITY – Gikumperam sa Philippine National Police (PNP) nga ningsaka ang ihap sa mga natalang election-related incidents sa nasod pila aka adlaw nalang ayha ang eleksyon.
Sumala sa PNP nga ningsaka na sa 40 ang kinatibuk-ang ihap sa mga natalang insidente, gikan sa maong ihap, 26 ang natala nga ‘violent’ samtang 14 usab ang mga’non-violent’.
Kdaghanan sa mga natala kay gikan sa Bangsamoro Autonomous Region in Muslim Mindanao (BARMM) nga gisundan usab sa Cordillera Administrative Region (CAR), Zamboanga Peninsula, ingon man sa Cagayan Valley.
Santang, padayon usab nga gikumperma sa PNP ang anaa sa 17 ka mga gituohang Election Related Incident kon ERI sa mga lugar sa Ilocos Region, Calabarzon, Bicol Region, Western Visayas, Northern Mindanao, ug sa Davao Region.
Subay niini, padayon usab nga ningsaka ang mga ninglapas sa gun ban diin anaa na sa 2,923 ka mga indibidwal ang naaretso tungod sa gun ban violations.
Kadaghanan sa maong ihap kay gikan sa Metro Manila, gisundan kini sa Central Visayas ingon man sa Central Luzon.
Una nang nagpahinumdom ang PNP nga mas mabati pa karon ang mas hugot nga seguridad sa mga checkpoints ingon man mga chokepoints adiser ang eleksyon.
