BUTUAN CITY – Gipalagan sa transport sector ning dakbayan ang gipakusgang balaod sa Land Transportation Office kon LTO nga ‘no plate, no travel policy’.
Sumala ni Ritchie Ravelo, Presidente sa Eastern Suburb Four Seater TODA, anaa matud pa sa buhatan sa Land Transportation Office kon LTO ang dakong kakulangon sa ka-walay plate number sa mga sakyanan nga gadagan karon sa bisan asang kalsada.
Sigon sa opisyal nga maayo ang maong balaod, gani, daan naman kining nakalatid sa nasudnong lebel, ilabi na nga ang plate number gayud ang unang pangitaon matag dunay krimen o disgrasyang may kalambigitan sa mga sakyanan.
Apan sumala ni Ravelo nga taliwala sa kaayong tumong sa maong balaod, problema matud pa niini ang nangatanggong nga plate number sa mga sakyanan o motor sa LTO.
Saysay niini nga kinahanglan hisgutan sa hawanan sa sanggunian ang nasangpit nga isyu, ilabi na nga dili sayop sa mga motorista kung dugay papagawas ang plaka-numero sa ilahang gipalit nga motor bisna unsang sakyanan, ilabi pa nga kasagaran sa mga niini kay inutang.
Una nang gi-imposar sa buhatan sa LTO ang ‘no plate, no travel’ policy sa tibook nasod, diin kasagaran sa mga nadakpan kay temporary pa lamang ang mga plate number.
Tumong sa ahensya nga mapugos ang mga tag-iya og sakyanan nga kuhaon ang plate number niini sa buhatan sa LTO, ug arun makunhuran ang nagtipun-og nga plate number sa ilahang buhatan.
Hangyo na lamang ni Ravelo sa LTO, ayha na niini ipatuman ang maong balaod kung wala nay problema sa ilaha mismong buhatan.
ang pamahayag ni Ritchie Ravelo, Presidente sa Eastern Suburb Four Seater TODA.
