-- ADVERTISEMENT --

BUTUAN CITY – Target sa mga nagduso og petisyon sa korte suprema may kalabutan sa 2025 national budget nga pahunongon ang operasyon sa nasud nga kabahin sa ilang planong destabilization.


Kini ang gitumbok ni Pang. Ferdinand Marcos Jr sa dihang kini anaa sa Cebu City. Sumala sa Pangulo walay laing hinungdan kung nganung gihagit sa grupo nila kanhe Executive Secretary Vic Rodriguez sa supreme court ang 2025 national budget tungod kay gusto sa mga niini nga madayon ang ilang destabilization nga gihimo.


Gibutyag sa pangulo nga kung dili mopabor sa gobyerno ang disesyon sa korte suprema mahitungod sa gi-kuwestiyon nga national budget, walay contingency measures dinhe ang gobyerno, kundi magsirado ang operasyon.


Una nang gibutyag ni Pangulong Marcos jr nga wala niya makita ang gika-ingong blank items nga matud pa nakalatid sa 2025 General Appropriations Act (GAA). Nagtoo ang pangulo nga walay blank items nga nakalatid sa 2025 GAA tungod kay supak kini sa balaod.