BUTUAN CITY – Magduso og petisyon for Certiorari and Prohibition ang mga abogado sa Mindanao karong adlawa, kansa panguluhan nila ni Atty. Israelito Torreon, Atty. Martin Delgra, ug sa mga Butuanong Abogado nga sila Atty.James Reserva ug Atty. Hillary Olga Reserva.
Isang-at sa maong grupo ang nasangpit nga petisyon sa Korte suprema arun ipadaplin ang Impeachment Complaint batok kang Vice President Sara Duterte.
Ang maong petisyon naglaom usab sa pagisyu og temporary restraining order (TRO) ug Writ of Preliminary Injunction by the High Tribunal kalabot na sa pagpa-impeach sa ikaduhang pangulo.
Kahinumdumang gipangandaman sa maong grupo sa mga abogado ang pagsang-at sa og mga reklamo sa Korte Suprema mahitungod sa constitutionality sa gihimomng pagpa-impeach sa mga kongresista ni Vice President Sara Duterte.
Sumala sa usa sa mga legal expert ning dakbayan sa Butuan nga si Atty. Hillary Olga Reserva nga daghan matud pa sa mga legal minds sa Pilipinas ang ning-kwestyon sa constitutionality sa gihimo sa House of Representatives sa pagpa impeach kang Vice President Sara Duterte.
Pasabot sa abogado nga dili matud pa dinhi issue kung ma impeach ba o dili ang Bise Presidente, kundili, kung legal ba o dili ang gihimong proseso sa mga magbabalaod sa nasnagpit nga lakang.
