BUTUAN CITY – Personal nga bangi ang gisubay nga motibo sa kapulisan sa pagpamusil ning mi-aging Huwebes Santo sa alas 2:45 sa hapun sa Purok-4, Barangay Mangga, lungsod sa Madrid, Surigao Del Sur nga mikutlo sa kinabuhi sa duha ka mga mag-uuma.
Naila ang mga biktima ngA sila Christopher Soriano, 48-anyos, ug Gilbert Flores, parehong minyo ug residente sa maong dapit.
Sigon ni Police Lt. Carl Nonan, hepe sa Madrid Municipal Police Station, ning mi-aging tuig, girapido na usab ang balay sa usa sa mga biktima nga maoy ilang gilantaw nga posibleng duna gihapoy kalabutan sa nahitabo karun.
Padayon pa ang nilang imbestigasyon diin duna na silay natumbok nga mga persons of interest human gisusi ang mga CCTV footages sa maong lugar.
Una nang natumbok ang tulo ka mga sakyanan, ang Crosswind, Hilux ug Adventure nga maoy gisakyan sa mga suspek nga bitbit ang mugbo og tag-as nga kalibre sa armas.
