BUTUAN CITY – Nakabsan na sa iyang hinulamang kinabuhi ang usa ka person with disability kon PWD human gipusil kagahapon sa udto atubangan sa usa ka junkshop, sa P-7, Brgy. Ong Yiu ning siyudad sa Butuan.
Naila ang biktimang si Renato Macaranga, 50-anyos, minyo, ug residente sa P-8, Brgy. Fort Poyohon, ning siyudad. Nasayrang nakadawat og tawag ang maong police station tungod sa maong hitabo nga dali usab nga girespondihan kondiin na-abtan nila ang biktimang nahagba na sa yuta apan duna pa’y panimuot ug daling gidala sa ospital aron matambalan.
Sigon ni Butuan City Police Office spokesperson PCapt. Fritzcel Cubillas, waka makagawas ang bala nga mi-igo sa walang dalunggan sa biktima hinungdan nga gitakdan kining operahan apan nakabsan gihapon sa iyang kinabuhi kagabii.
Gibutyag usab sa opisyal nga duna na sila’y person of interest human nga duna’y nakakita dihang gipusil ang biktima.
