BUTUAN CITY – Nakabsan sa hinulamang kinabuhi ang usa ka 66-anyos nga maguuma human kini nabanggaan sa single motor samtang kini nagbaktas diha sa kalsada kagahapon sa alas 12:00 sa udtu sa National Highway, P-3, Brgy. Pasta, lungsod sa San FRancisco, Agusan Del Sur.
Naila ang biktima nga si Wilfredo Cerbo, 66-anyos, ulitawo, usa ka mag-uuma nga residente sa maong dapit.
Sa imbestigasyon sa kapulisan, samtang nagbiyahe ang single motor nga walay pertinenting dokumento gikan sa Rosario, Agusan Del Sur padulong sa San FRancisco, aksidente niining nabanggaan ang nagbaktas nga biktima dinha kilid sa dalan.
Nakahiagum og injury sa ulo ang biktima nga daling gidala sa mga rescuer ngadto sa San Francisco Doctors Hospital apan gideklara kining dead-on-arrival sa attending physician.
Samtang ang drayber motor nga si JEROME PEREZ BALDOS, 29-anyos, walay lisensiya og angkas niining 15-anyos, naka-angkon usab og mga injury sa kalawasan og na-admit a DO Plaza Memorial Hospital.
