BUTUAN CITY – Gipaneguro ni Datu Marcos Bucales, Indigenous People Mandatory Representative kon IPMR sa Lianga, Surigao Del Sur nga dunay ikaduhang peace dialogue nga ipahigayon.
Una nang nagmalampuson ang nahitabong peace dialogue sa nakalabay nga adlaw didto sa Sitio Simuwao (Kilometer 9), Diatagon, Lianga, Surigao del Sur.
Ang maong aktibidad gitambongan nila Bayan Muna Representatives Eufemia Campos Cullamat ug Carlos Isagani Zarate kauban ang militanteng gropu nga Malahutayong Pakigbisog Alang sa Sumusunod kon MAPASU, kasundaluhan, mga tribal leaders, probinsiyal nga kagamhanan pinaagi ni Governor Alexander Pimentel.
Sa pakighinabi ning sibyahan kang Datu Bucales, gikumpirma niining sa Oktubre 29 himoon ang ikaduhang peace dialogue. Apan ning higayona, bugtong mga miyembro lang sa tribu ang motambong lakip niini si Bayan Muna Representatives Eufemia Campos Cullamat.
Sumala pa ni Datu Bucales, isa ka pamilya raman sila sa maong probinsiya rasong dako ang iyang pagtoo nga sila ra usab ang makasolbad sa problema.
Alayon niini, nanghinaot nalang ang datu nga dunay makab-ot nga lintunganay sa maong mga aktibidad.
